Asodisen family tree

Jorge Asodisen Toy, ibutang ni sa imong notes: dihay usa ka Andoy Asodisen nga nagpuyo Sa Hinunangan. Dihay iyang duha ka anak nga laki, ang usa Boy ang ngalan ug ang usa wala ko makahinumdum. Dihay higayon nga didto siya nagpuyo sa Ka Lolo Jorge, tabang-tabang sa balay. Nagkaila mi niya adto pero dili lang suod. Sa pagkakaron wala na koy impormasyon bahin niya. Ang wa nako maseguro kun kadto sa Andoy, igsoon ba sa gawas nila Imong Lolo Ling o kadugo gikan Samar. Ang akong nahinumduman adto ni Andoy mao ang kolor sa kalimutaw sa iyang mata nga lahi sa kadagarang itom ug ang hugis sa iyamg nawong may pagkatisoyon. I-research sad ni nato puhon. Diha say dalaga nga nagpaila nga anak siya ni Pa Dodo ( o kang Pa Mike hinuon) nga ang iyang inahan may apelyedong Comanda sa Hinunangan. Naminyo kadto siya ug usa ka litratista (photographer) nga taga Hinunangan pud. Wa na ko kabalita niya. (For research). Naa pay usa ka kadugo nato sa Libagon nga anak sa gawas ni Pa Dodo. Iyang ngalan si Roger, pero wala magdala sa atong apelyedo. Dihay usa ka higayon sa fiesta sa Hinundayan nga ningadto sila balay aron moduaw dala'ng pamista. Iyang nakuha ang dagway ni Pa Dodo. Kauban niya ang duha ka anak laki. Ang usa ulitawo ug ang manghud diha pa sa mga dies anyos adtong panahuna. Sukad adto, wala na koy balita niya.